Bacolod – Walking Silay Tour (Day1)

From work, pumunta si Dha sa Libis dahil sa bahay sha matutulog para sabay na kami papuntang airport at para matikman ang masarap na waffles ng Hanoel.

Picture c/o Jo (ninakaw ko lang ^__^v)

Nagtanong pa ako kay Zaicy kung san na lumipat ang Hanoel. Sa may Ynares daw so lakad kami ni Dha galing sa bahay papuntang Ynares kaso hindi namin natagpuan ang Hanoel. Napagkasunduan namin na sa KFC sa MIA road na lang kumain kasi baka malate kami sa flight namin.

Saktong sakto lang ang dating namin sa KFC, kung nakita namin ang Hanoel, malamang naiwan kami. Haha. Pagdating ni Mi (aka Deia) sa KFC, sumakay na kami ng taxi papuntang airport. Yung unang nasakyan naming taxi joke time, P100 per km daw. Isang malaking joke si manong kaya bumaba kami. May mga taxi dun na 150 lang asa airport ka na. Tsktsktsk…

Pagdating namin ni Dha at Mi sa airport, andun na sila Honeylette at John at sabay na kami nagcheck-in. Tinawagan ni Honeylette yung ibang kasama namin na kumakain para sabihin na nakapila na kami sa counter.

Si Nice, yung magche-check in samin sa counter sinabihan kaming close na daw ung counter kasi late kami. Shempre naginit ang ulo namin. Naka-mobile check-in kami. At asa pila kami sakto sa oras, hindi namin kasalanan kung matagal yung mga nauna samin sa pila kaya nalate kami. Ang ending, binigay din samin yung boarding pass namin at hinatid kami ni Kuya sa shuttle papunta sa plane. Pagdating namin sa shuttle, nalaman namin na hindi pa nakakasakay yung mga kasama namin. Panic mode kaming lahat. Tinawagan namin sila kaso walang sumagaot. Wala na kaming choice kung hindi sumakay ng plane ng wala sila. Nakausap ni Mi yung isang kasama namin na nasa gate na daw saktong pagsara ng pinto ng plane. Tsktsktsk….

Honeylette, Dha, Rio, Mi
Photographer: John

In fairness sa AirPhil, on time umalis ang plane namin. After an hour, asa Bacolod na kami! Paglapag ng plane, tinawagan agad ni Mi yung mga naiwan sa Manila. Nakapagpare-book sila pero kinabukasan na sila makakarating.

From the airport, sumakay kami ng taxi para ihatid kami sa Winbelle Pension House. Pinakilala kami ni John sa kapatid niyang hyper na si Jaja at Ann (friend ni Jaja). Malinis yung rooms at maayos ang CR kaya ok naman yung place. Tapos very accomodating pa yung mga staff.

Kumain lang saglit then deretso na kami sa walking city tour sa Silay. Bilang assistant ng punong-abala, sakin binigay yung mapa ng city (galing sa Google maps) na may directions na pupuntahan namin.

Silay Walking City Tour Map

Oh no! Pressure much! Medyo madaming liko kaya hinati namin ni Dha yung pag lead sa group. Maliit lang yung city kaya keribells lakarin. Sobrang daming ancestral houses na uber ganda. Sabi ni Mi may options sa net na magrent ng van para sa tour. Pero dahil cheapetiks kami at mahilig kami maglakad, walking tour ang drama namin.

RCBC Building
Ann, Jaja, Honeylette

At dahil ako ang navigator, naligaw kami. Parang magic, narating namin ang Balay Negrense ng hindi namin namamalayan. Ang dapat naming pupuntahan ay ang Hofilena Ancestral House. Haha. In my defense, wala kasing pangalan yung mga street kaya hindi ko alam kung tama yung pinupuntahan ko. XD

Balay Negrense

May entrance na P50 per head. Pasok kami para mag-pictorial. Sayang dahil walang tour guide. Maganda yung bahay pero may creepy factor yung mga damit at sapatos na nakadisplay.

Paano tayo napadpad dito? Paano tayo makakarating sa Hofilena?

Habang nagiikot yung mga kasama namin, fini-figure out namin ni Mi ang mga pangyayari at kung anong next game plan namin. Yung round table na yun?  Isa lang naman shang Family Circle! Astig much!

Sino ba ang nagpauso ng Family Tree? Dapat ganito: Family Circle!

Si Ann may natagpuan na bagong friend na lumabas sa picture nung kinuhanan nya yung isa sa mga damit na nakadisplay. Nagulat na lang kami ng biglang nagtiliian yung mga kasama namin habang kami ay nageenjoy sa souvenir shop.

Ganda noh? 75k lang naman… Murang-mura.

My favorite… kung mayaman lang ako binili ko na ito. haha.

Pagdating nila Ann, pinakita agad nila ang new found friend niya tapos lumabas na kami para magpapicture uli bago kami gumorah sa next destination namin na iniisip ko pa din kung pano ko pupuntahan. >__<

Sa wakas, natagpuan din namin ang Hofilena Ancestral House. By appointment ang punta dito, pero dahil busy mashado si Mi, hindi sha nakatawag. Pagdating namin, bukas ang gate so deretso kami sa loob na parang amin lang yung bahay. May entrance uli na P50 per head. After namin magbayad, pinakilala na samin si Mr. Ramon Hofilena, ang may ari ng napakagandang bahay na kakarating lang galing sa farm nila, bilang tour guide namin sa mga oras na iyon.

Fail kami kasi hindi kami makasagot sa kahit anong tanong nya. Haha. Super astig yung loob ng bahay nya. Naiiyak ako sa ganda. Walang spoiler para pagnagtour din kayo sa bahay nya hindi din kayo makakasagot sa kahit anong tanong nya. Bwahahaha. Astig yung mga collection ng paintings at kung anu-anong anek anek galing sa iba’t ibang bansa. May kwento ang bawat painting at lahat ng bagay na makikita mo. Wish ko lang pwede ko i-record lahat ng sinasabi nya pati na din ang mga nararamdaman kong pagkamangha sa lahat ng sinasabi ni Sir Mon.

Hulaan nyo kung ano yung asa loob ng box na nakuha ni Sir Mon sa Japan. Hindi yan earings…

May demo at brief history pa kami tungkol sa printmaking. Sayang kasi hapon na kami nakarating kaya binawasan ni Sir Mon yung mga kwento niya. Ang normal tour daw sa bahay nya ay inaabot ng half day, pero sa kulang kulang 2hours namin kasama si Sir Mon, sobrang dami kong natutunan. Wish ko lang matuloy ang arts and culture tour niya this December kasi gusto ko pumunta. Sobrang amazing.

Kung makakapunta kayo dito sa bahay ni Sir Mon, may dalawng paintings kayo na makikita na may nakadikit na post-it. Ipatanggal nyo yung post-it sa dalawang paintings. Nashock na kami mashado dun sa isang painting kaya hindi na namin napatanggal yung isa pa. Haha.

Nafeel ko din na natuwa samin si Sir Mon mashado kasi attentive listeners daw kami. Ni-invite pa nya kami to stay overnight (tempting! ang dami pang ikkwento nun sigurado!). Haha.

Pagkatapos ng tour, nagrecommend pa si Sir Mon ng mga masarap kainan at bilhan ng pasalubong sa Silay (Mi taking down notes). Bago kami humayo, shempre hindi kami papayag ng wala kaming picture kasama si Sir Mon. Grabe, sulit na sulit ang pagbisita namin sa Hofilena Ancestral House dahil sa mga natutunan namin. Stay healthy and see you on December, Sir Mon! ^__^

Jaja, John, Honeylette, Sir Mon, Ann, Rio, Mi, Gel, Dha

Hmm… kung hindi kami naligaw hindi namin aabutan si Sir Mon at hindi din kami makakapasok ng Balay Negrense. May magandang dahilan ang pagkaligaw namin. Wahahaha! Oo, pinagtatanggol ko uli ang sarili ko. 😛

Nagiba kami ng daan pauwi kasi iniwasan namin yung haunted house na sinasabi ni Sir Mon, at hinanap namin ang Cafe 1925 dahil highly recommended niya ito. Paglabas namin ng bahay, hinabol pa kami ng isang kasama ni Sir Mon para sabihin na may parada ngayon. Swerte talaga! Naabutan pa namin yung parada. Nice!

Konting lakad lang, nakita na namin ang Cafe 1925 located at the back of Bank of PI (BPI) near El Ideal. While waiting for our food, nagrevise kami ng itinerary bukas para mapuntahan ang Church of Cartwheels na nabanggit din ni Sir Mon.

Maliit lang yung place pero maganda yung ambiance at cozy. Malaki yung serving nila at nakakalula yung mash potato nila. Parang wala ng bukas kung makapag scoop ng mash potato. XD Busog much! Ang pinakamahalaga, sulit ang 190 pesos mo! Good for two na ang isang order. Ayos db?

Pork Sirloin and mash potato with salad

For dessert, pinuntahan namin ang El Ideal para tikman ang Guapple Pie na pinagmamalaki din ni Sir Mon ngunit 830 PM na kami natapos magdinner at sarado na ang El Ideal. Naghahanap kami ng sign kung anong oras sila open ngunit wala kaming makita. 😦

Naglakad kami pabalik ng Winbelle para magpahinga. Ang call time namin kinabukasan ay 7AM. May van na susundo samin para ihatid kami sa Carbin Reef.

Winbelle Pension House in Silay City

2nd Flr, WH Arcade
Rizal Street, Silay City
Negros Occidental
Philippines 6116
+63 (34) 495-5898

Café 1925
14 J. Ledesma St., Silay City, Negros Occidental
Telephone number: (034) 714-7414
Store Hours: Monday to Saturday, 9am-10pm / Sunday 9am-8:30pm

Advertisements